Siste frå Twitter:

Xcreek

Xcreek er ein utforkonkurranse for elvepadlarar. Konkurransen er lokalisert i elva Rossåa som renn gjennom Ørsta sentrum. Konkurransestrekket er på 450 meter med variert padling i form av fossar, sklier og tekniske stryk.

Xcreek vert arrangert for 3 året på rad og har kome som eit resultat av eit stort padlemiljø i Volda og Ørsta. Noko av formålet med denne konkurransen er å syne for nærmiljøet at elvene vert nytta til sport og friluftsaktivitetar, og at dette er ein verdi det er verd å ta vare på.

Vi inviterer til ein spennande konkurranse under vårløysinga i Sunnmørsalpane, så set av denne helga på kalenderen til padling og toppturar på Sunnmøre. Det er og fleire flotte elvar i området som er på sitt aller flottaste denne tida.

TRYGGLEIK

I sambande med avviklinga av Xcreek har vi fylgjande krav til deltakarane:

  • Hjelm
  • Vest
  • Kasteline
  • Creekbåt
  • Synfaring og prøveomgang før konkurransen

Elva held grad 4 og arrangøren vil ha utplassert rescue rangers i kritiske parti.